Nature

Icyegeranyo cya film zivuga ukuri kuri Jenoside yakorewe abatutsi mu 1994

by Dushime Elie 8 April. 2019 @ibyiwacu 1K Views

0804201915212009gate600.jpg
ADVERTISEMENT


U Rwanda n’Abanyarwanda baribuka ku nshuro ya 25Jenoside yakorewe Abatutsi, nyuma y’ubu bwicanyi bwahitanye abasaga miliyoni abahanga mu bya sinema mu Rwanda ndetse n’abanyamahanga batandukanye, bagiye basubira inyuma mu mateka bakora filime zivuga ukuri kw’ibyabaye.

Izi filimi zishingiye ku byabaye, zimwe zikubiyemo  mugiheiki cyo kwibuka, ni ngombwa kurebera hamwe zimwe muri filime zakozwe ndetse n’abazitunganyije. Ibi bikaba byafasha mu kugena iyo umuntu yareba na cyane ko filimi ari kimwe mu byafasha mu kwibuka no kwiyibutsa amateka.

100 Days


100 days (1er film sur le génocide) par LiliTheKing
100 Days, bishatse kuvuga iminsi ijana, ni filimi yakozwe mu mwaka wa 2001 ikozwe n’abagabo babiri barimo Umunyarwanda Eric Kabera uzwi mu ruhando rwa sinema yaba mu Rwanda ndetse no mu mahanga. Yayikoranye na Nick Hughes, uyu akaba ari nawe wayiyoboye.

Iyi filimi imara iminota 90, nk’uko yitwa, ivuga ku byabaye muri Jenoside mu gihe cy’iminsi ijana guhera kuwa 6 Mata kugeza muri Nyakanga 1994.
Eric Kabera wateguye iyi filimi ari kumwe na Nick Hughes asanzwe akora filime ndetse anafite ishuri ryigisha sinema rizwi nka Kwetu Film Institute riherereye i Kigali hamwe n’ikigo cya sinema kizwi nka Rwanda Cinema Center.

Munyurangabo

Munyurangabo ni filimi ivuga kuri Jenoside yakorewe Abatutsi muri Mata 1994. Ishingiye ku nkuru y’umwana w’imfubyi ya Jenoside wavuye i Kigali akajya mu cyaro aho bari batuye ajyanwe no kwihorera aho yifuzaga kwica umugabo wishe ababyeyi be.

Iyi filime yayobowe na Lee Isaac Chung, yasohotse mu mwaka wa 2007. Yakorewe muri Almond Tree Films iherereye i Kigali. Ni imwe muri filime za mbere zakozwe kuri Jenoside zikanakorerwa mu Rwanda. Yabashije kwegukana ibihembo byinshi mu mahanga, mu maserukiramuco akomeye muri sinema.

Iyi filimi imara iminota 97 yayobowe na Lee Isaac Chung afatanyije na Samuel Gray Anderson ikaba ikinamo Jeff Rutagengwa uba witwa Munyurangabo, Eric Ndorunkundiye uba yitwa Sangwa, Jean Marie Vianney Nkurikiyinka ukina yitwa Papa Sangwa, Jean Pierre Harerimana ukina yitwa Gwiza, Narcicia Nyirabucyeye ukina ari nyina wa Sangwa ndetse hagaragaramo Edouard Bamporiki Uwayo kuri ubu usigaye ari umudepite mu nteko ishingamategeko y’u Rwanda.

The Day God Walked Away

Iyi ni filimi yagiye hanze mu mwaka wa 2009. The Day God Walked Away bishatse kuvuga ‘Umunsi Imana yari yazindutse’, ibi bifite icyo bisobanura mu mateka ya Jenoside kuko igaruka ku marorerwa yakorewe Abatutsi, aho buri wese yibaza ati: “Ese Imana yari yagiye he?”

Iyi filimi ikinamo Nirere Ruth uzwi nka Miss Shanel mu muziki wo mu Rwanda, yayobowe n’umubiligi witwa Philippe Van Leeuw ikaba ivuga kubyabaye mu minsi 100 aho umugore witwa Jacqueline ariwe Shanel wakoraga mu rugo rw’Ababiligi yahuriye n’akaga muri Jenoside. Uyu mugore Jacqueline wari ufite abana babiri ariko ibyamubaye ni agahomamunwa.

Ubwo Jenoside yakazaga umurego, shebuja na nyirabuja b’Ababiligi, bagerageje kumuhungana ariko biranga, agerageza kwihisha mu bihuru ari nako ashakisha abana be, mu bwihisho ahahurira n’ibibi byinshi, abona abicwa urubozo iruhande ye, abagore n’abakobwa bagenzi be bafatwa kungufu n’ibindi.

Kinyarwanda

Iyi ni filime yasohotse mu mwaka wa 2011, ifite ubutumwa bw’Icyizere, ubucunguzi no kubababarira bya gikirisitu bisabwa Abanyarwanda nyuma ya Jenoside yabaye muri Mata 1994.

Iyi filimi ni imwe mu zegukanye ibihembo muri sinema mu rwego rw’isi, harimo igihembo yaherewe muri Amerika muri Sundance Film Festival muri Mutarama 2011.

Inkuru iri muri iyi filimi ishingiye ku mukobwa w’Umututsikazi ukundana n’umuhungu w’umuhutu. Kwemera ko babana byari ikibazo ku bandi bantu kugeza no ku mupadiri wagombaga kubasezeranya.

Shooting Dogs

Muri Amerika bayita Beyond the Gates, iyi filime yakozwe mu mwaka wa 2005. Ikaba yarayobowe na Michael Caton-Jones. Mu ncamake yayo, iyi filime ivuga ku bantu babiri John Hurt (Christopher) wari umupadiri n’umwarimu mugenzi we Hugh Dancy (Joe Connor muri filime). Uyu Hugh Dancy yigishaga mu ishuri rya École Technique Officielle de Kigali.

Mu ijoro ryo ku itariki ya 6 rishyira 7 Mata, indege y’uwari Perezida w’u Rwanda Juvenal Habyarimana yarahanutse maze Abatutsi batangira kwicwa. Hugh Dancy yagerageje guhunga Jenoside ajya mu ishuri yigishagamo gusa we na padiri baje gutereranwa n’abasirikare b’Abafaransa n’ingabo z’umuryango w’abibumbye.

Sometimes in April

Iyi filime imara iminota 140, yayobowe na Raoul Peck. Iyi filime yerekanwe bwa mbere mu mwaka wa 2005. Ivuga ku buzima bwa buri munsi Abanyarwanda babagamo, mbere ya Jenoside, muri Jenoside ndetse na nyuma yayo. Igaragaza ibibazo byagiye bivuka hagati y’abashakanye kugeza ubwo umwe mu bashakanye yica mugenzi we amuziza kwitwa umututsi. Hari n’ababyeyi bagiye bica abana babo babaziza ko ari Abatutsi kandi ari bo babibyariye.

A Sunday in Kigali

Imara iminota 118, yerekanwe bwa mbere muri 2006 ikaba yarayobowe na Robert Favreau. Ivuga ku munyamakuru witwa Bernard Valcourt (uzwi cyane mu gukora filime mpamo) waje gukundana n’umunyarwandakazi witwa Gentille. Jenoside ubwo yabaga muri Mata 1994, aba bombi yarabatandukanyije. Nyuma y’amezi make, uyu munyamakuru yagarutse mu Rwanda gushaka uyu mukunzi we.

Iyi filime kandi, ishingiye ku gitabo cyitwa A Sunday at the pool in Kigali cyanditse na Gil Courtemanche.

Long Coat

Iyi ni filime ya Bamporiki Eduard. Uyu mugabo kuri ubu w’umudepite mu nteko ishinga amategeko y’u Rwanda, yakoze iyi filimi ashingiye ku mateka y’ibyabaye aho akomoka mu Karere ka Nyamasheke.

Bamporiki ukina muri iyi filime, agaragara akundana n’umukobwa ufite se wishwe muri Jenoside yishwe na se wa Bamporiki, ibintu nyina yanga gushyigikira akageza n’aho amwirukana. Yiswe Long Coat kubera ikote rirerire rya se w’inshuti magara ya Bamporiki, se aba yarishe muri Jenoside akarihisha ku rusenge.

Iyi filimi kandi yagiye ibona ibihembo bitandukanye, ikinamo abantu bazwi muri muzika yo mu Rwanda nka Munyanshoza bakunze kwita Mibilizi, Mani Martin na Miss Shanel.

Kubera ubutumwa buyirimo, ni imwe mu mafilime yazengurukijwe igihugu yerekanwa mu mashuri n’ahandi akanagezwa muri za Gereza zitandukanye.

Shake Hands with the Devil

Ni filime imara iminota 113, ikaba yarerekanwe bwa mbere mu mwaka wa 2007 mu iserukiramuco rya sinema muri Canada ryitwa Toronto International Film Festival. Iyi filime ivuga kuri Romeo Dallaire, ubuzima yabayemo igihe Jenoside yabaga mu Rwanda. Ishingiye ku gitabo cy’uyu mujenerali cyitwa ‘Shake Hands with the Devil: The Failure of Humanity in Rwanda’ aho Romeo Dallaire avuga uburyo Jenoside yabaye mu Rwanda amahanga yose arebera ndetse na Loni (ONU) akayitabaza ayisaba ko yatanga ubufasha itabara Abatutsi bicwaga ntigire ikintu ikora kugeza ubwo abasaga 1,000,000 bayitikiriyemo.

Iyi filime imaze kubona ibihembo bitandukanye muri sinema. Yahataniye ibihembo bya Genie Awards inshuro zigera kuri 12.

Kuri izi filimi ndende hiyongeraho filimi-mpamo (Documentaires) zakozwe kuri Jenoside zigiye zifite umutumwa butandukanye.

Aha twavuga nka ‘Journey into Darkness’ yakozwe mu 1994. Yakozwe n’umunyamakuru wa BBC ikaba irimo ibintu byafahswe muri Jenoside.

Hari n’izindi nka ‘A Culture of Murder The Bloody Tricolor’ ivuga ku ruhare rw’u Bufaransa muri Jenoside yo muri Mata 1994 mu Rwanda, ‘Valentina’s Story, When Good Men Do Nothing’ ivuga ku buryo UN yananiwe guhagarika Jenoside, ‘Keepers of Memory’ yakozwe na Eric Kabera n’izindi.

Muri iyi minsi kandi hari izindi zigenda zikorwa ari nako zijya ahagaragara. Mu ziheruka harimo nka: “’20 ans plutard” yakozwe na Karirima Ngarambe Aimable, “L’abscé de la vérité” ivuga kuri Kiliziya Gatorika na Jenoside yakorewe Abatutsi n’izindi.

Izindi filime wareba muri iki gihe cyo kwibuka abazize Jenoside yakorewe Abatutsi


Not On My Watch

Words That Kill

Our Future Lost

Ubumuntu – Rescuers

Dreams of the Future

Kwibuka – Remember, Unite, Renew
ADVERTISEMENT

SIGA IBITEKEREZO



ALL COMMENTS

SIGA IBITEKEREZO ( FACEBOOK )


ADVERTISEMENT
ADVERTISEMENT

Avatar
LATEST NEWS


IMIKINO



IMYIDAGADURO


Nature
by : Dr. P. Mupenzi Mwiza , 8 November, 2018

ANDI MAKURU



IYOBOKAMANA
EVENTS Nature Nature Nature
INKURU ZIKUNZWE
Nature
by : Dr. P. Mpenzi Mwiza , 23 July, 2018


Nature
by : Dr. P. Mpenzi Mwiza , 27 October, 2018

Nature
by : Nkubito Joromi , 17 July, 2018

INKURU ZUBU
Nature
by : Edouard Nsengiyumva , 21 January, 2020

Nature
by : Edouard Nsengiyumva , 21 January, 2020


IBYIWACU

Nature

Fri 27 Nov 2016

AHAZAZA HANJYE

Nature

Fri 27 Nov 2016

Miss Rwanda: Reka turebe ubutumwa bwatanzwe na MWISENEZA Josiane Miss Rwanda 2019

Nature

Fri 27 Nov 2016

MESSAGE: Dear Nibakwe Edith, This is a proof that our God is awesome, don’t you agree?

Nature

Fri 27 Nov 2016

MESSAGE: Reka Turebe Ubutumwa Bw'ishimwe Miss Josiane Yagejeje Kubakunzi Be


UBUMENYI

Nature

Fri 27 Nov 2016

UHUJE IMYUMVIRE NABO

Nature

Fri 27 Nov 2016

REBA IBYO WIFUJE KUMENYA

Nature

Fri 27 Nov 2016

HA UMUNTU APPLICATION

Nature

Fri 27 Nov 2016

Sobanukirwa Ibyishimo by'abantu

×

Tickets

Need help?

CONTACT

Fan? Drop a note!

KG 24 AV, Kigali, RW
Phone: +250 78 22 663 80
Email: INFO@IBYIWACU.COM

×